EDK: FORM ONE

  1. MTAZAMO WA UISLAMU JUU YA DINI.
    1. Mtazamo wa Kikafiri juu ya Dini.

- Kafiri Mutlaq ni yule anayekanusha moja kwa moja kinadharia na kivitendo kuwepo kwa Allah (s.w), maamrisho yake, vitabu vyake na mitume wake.

-  Kwa mtazamo wa Kikafiri, neno ‘Dini’ lina maana zifuatazo;

  • Ni imani juu ya kuwepo Mungu Muumba.

“Belief in the existence of a supernatural ruling power…” (English Dictionary)

  • Ni imani inayohusiana na mambo ya kiroho baina ya binaadamu na Mwenyezi Mungu.
    1.  Dhana ya Dini kwa mujibu wa Qur’an.
      • Maana ya Dini kwa mtazamo wa Qur’an (Uislamu).

-  ‘Dini’ ni neno la kiarabu lenye maana zifuatazo;

  1. Itikadi na njia ya maisha.
  2. Uwezo au mamlaka au utawala.
  3. Mila au mfumo wa maisha unaofuatwa na jamii ya watu.
  4. Siku ya malipo (mfumo wa maisha ya Akhera).

Rejea Qur’an (3:83).

- Kwa ujumla ‘Dini’ maana yake ni mfumo au utaratibu wowote wa kuendeshea kila kipengele cha maisha unaofuatwa na jamii fulani ya watu.

      • Aina kuu za Dini.
  • Kuna aina kuu mbili za dini hapa ulimwenguni;
  1. Dini ya Allah (s.w).
  2. Dini za wanaadamu.
  3. Dini ya Allah (s.w).

-  Ni Uislamu ambao ni mfumo wa maisha ya mwanaadamu unaofuata kikamilifu muongozo wa Allah (s.w).

  1. Dini za Watu (wanaadamu).

-  Ni mifumo ya kuendeshea maisha iliyowekwa na wanaadamu inayotokana na matashi yao.

      •    Makundi ya Dini za wanaadamu (watu):

      Dini za wanaadamu zimegawanyika makundi makuu matatu;

  1. Dini ya Ukafiri

– Ni utaratibu wa maisha ulioundwa katika misingi ya kukanusha muongozo wa Allah (s.w) na Mitume wake.

  1. Dini ya Ushirikina

– Ni utaratibu wa maisha uliofumwa katika misingi ya kumshirikisha Allah (s.w) na miungu wengine.

  1. Dini ya Utawa

– Ni utaratibu wa maisha ambao wafuasi wake hujitenga mbali vitu vizuri na harakati za kumletea mwanaadamu maendeleo hapa ulimwenguni.

      • Maana ya Al-Islam (Uislamu).

Al-Islam - ni jina la Dini ya Allah (s.w) lenye maana zifuatazo:

  1. Mwenendo mwema au kujisalimisha moja kwa moja au kutii kwa unyenyekevu sheria, maagizo au maamrisho ya Muumba.

- Uislamu ni utaratibu wa maisha unaofuata bara bara mwongozo wa Allah (s.w)  na Sunnah ya Mitume wake.

Rejea Qur’an (3:83), (30:30).

  1. Ni neno lenye maana ya ‘salama’ kwa maana ya amani.

-  Uislamu ni dini ya amani.

-  Ni utaratibu wa maisha unaoendeshwa kwa kujisalimisha kwa Allah (s.w) kwa kufuata kikamilifu sheria zake.

-  Ni utaratibu (mfumo) pekee ndio unaoweza kuleta furaha na amani ya kweli kwa maisha ya binfsi ya kijamii pia.

      • Nani Muislamu.

- Ni yule anayemnyenyekea Allah (s.w) kwa kufuata kikamilifu sheria na kanuni zake zote.

- Ni yule anayeishi maisha yake yote kwa kuchunga bara bara mipaka ya Allah (s.w) kwa kufanya yale yote aliyoamrishwa na kuacha yote aliyokatazwa kwayo.

Rejea Qur’an (2:208), (3:102).

  Zoezi la 3.

  1. Nini maana ya neno ‘Dini’ kwa mtazamo wa,
      1. Kikafiri.
      2. Kiislamu.
  2. (a)  Bainisha dini kubwa hapa Ulimwenguni.

(b)  Taja makundi ya dini za wanaadamu.

  1. “Je! Wanataka dini isiyokuwa ya Mwenyezi Mungu na hali kila kilichomo mbinguni na ardhini kimejisalimisha kwake kipende kisipende………” (3:83).

Kwa kwa kuzingatia aya hii toa mafunzo mawili (2) yanayohusiana na Dini.

  1. (a)  Toa maana mbili za neno “Islam”

(b)  Nani muislamu?